Z.Dersim
(şimdiye kadar 148 posta) | | KERMÊ DARE
Mordemê ze Haydar Işıki PKK ra icazet cênê, ra u rêça ağaê xora duri nêkunê. İ ke se va hên vanê, hên kenê. O kami ra icazet cêno?, naê ki endi kor, lal u kherrê dina alemi zanê.
Se ke dewlete hardê Dêsımiyo dewrêşo hira tar u mar kerdo, sindorê Dêsımi dardê we, sure dormê Mamekiye de arda sure ser, ebe çerxê asimilasyomi her çi elege ra viyarno ra, tarıxê Dêsımi inkar kerdo, dıma name vurno kerdo Tunceli, i ki ni fel u emeli rê xızmete kenê; heto jü ra namê Dêsımi taşenê sindoranê dê anê Tunceli ra gırê danê, heto bin ra ki xoseriya Dêsımi inkar kenê, benê Kurdistani ra gırê danê.
Ni xızmekari zereweşiye ra düriyê, heq u huquk ra tever gurinê, tarıxi ğeletnenê, kar u gurê ilmi muteber nêcênê, thık u têyna fêl u emelê xo, yanê ê „Apo“ê xora gore gurinê. Coka nêwazenê ke Dêsım bêrora xo, lejê serbestiya xo bıdo, kaleka cirananê xo Khurmanc u Tırka de xoser, nam u nişanê xora pay ra bımano.
Ni coka dezgey ya ki kesê ke sebeta xoseriya Dêsımi xover danê, kamiya Dêsımi Türkiye be Kurdistani ra cia ane ra zon, zonanê Dêsımi ra Zazaki rê fekê de Khurmanci ra dot wair vecinê, kultur u itıqatê Dêsımi teyna qesa de nê, ebe kar u gurê camata wertê homete de ravêr benê, verba bınê mayet u bandıre de verdaena nine vecinê, nine xorê dışmen vinenê.
Dezgey ya ki kesê ke verba na zelaliye vecinê, huşke soynenê re dezge u mıletê ma, kamiye, zon u kultur be itıqatê Dêsımi sebeta fêl u emelê xo zay kenê, ni mafê Dêsımi wazenê. Kesê ke xoseriya Dêsımi inkar kenê, Dêsımi bınê bandıra Tırka, ya ki Kurda guretene ra gore gurinê daim zerar danê be Dêsımi, Dêsım wertê dı adıra de verdanê. Tabiyo ke niyê ke icazetê xo biyena qomê xora nê, şarê teveri ra cênê, ni kermê darewê. Mordem gereke ni kerma dare ra duri fiyo.
No ki ebe fêl u emelo de araze, bê ters u bê şerm, raştaraşt kamiye, zon, kultur u itıqatê Dêsımi rê wair veciyaene ra vêreno ra. Ne ebe PKK, ne se ke Dersim`i Yeniden İnşaa Derneği u eb. kenê ebe icazetê PKK; ne ki ebe ters u xofê TUDEFi u MASAPi, êwê ke zonê xo qesey nêkenê, sınata xo teyna zonanê bina de cerebnenê, kamiya xora duriyê, ebe dine beno.
TRT ra sebeta Kırmancki-Zazaki de phêldaene qanal waştene xainêni ra say kerdene, ya ki dama dewlete vinıtene be xo çerxê asimilasyoni biyena. Jü qanal de vistuçar saati ebe Zazaki phêl daene verba vindibiyaena Kırmancki-Zazaki guretena, verba cı vınetena. Teyna na sebeb ra bone ki mordem gereke verba kar u goreo de nianên meveciyo. Na geym Türkiya de wertê qanala de en zêde TRT-6 seyr beno; heni aseno ke na memleket de "Qorici" zafe!
Bıngê biyena kar u gurê xo thık u teyna dışmenêni sera vıraştene heweso, karê aqıli niyo. Serê hardê Anadoliye de ma Kırmanc-Zazay be Kurd u Tırku ra estime. Ebe ilalebet dişmenêni kes besenêkeno weşiya xo têlewe u têwerte de bıramo. Coka dewlete ke gamê êşte, mordem gereke sero bıfıkıriyo. Nêwê ke huşke soynenê be dezge u mıletê ma, eke amera cı mordema ruşnenê çêverê dewlete. Nae ki xorê tomete nêvinenê.
Kılmek ra êwê ke „fincanê ağwiyo“ vanê, pê perda de ebe xo fincananê ağwi dımeraê. Ma fincanê ağwi ne şımenime, ne ki era kesi danime şımıtene…
Xal Çelker, Sait Çiya, X. Eren, U. Pulur, X. Dalkılıç, Eli Bıra, H. Cansa, H. Dewran
_________________________________________________________________
http://www.sansaderesi.com/forum/index.php?topic=332.0
|
