Torné Thuji/ İTIQATÊ DÊSIMU- 1

JİARÊ DÊSIMU

Yé ma Désımu ki mekané jargeyi esté. Ma cı ré vame JİARİ…

Eke jüye vone, vame jiare.

İtıqaté ma de caé jiaru zof gırano, hirao, corao… Cı ré qırvani bené… Miyaz beno vıla…

“TUNCELİ ÜNİVERSİTESİ

I.ULUSLARARASI TUNCELİ (DERSİM) SEMPOZYUMU

(EKONOMİ, TARİH, TOPLUM)

4-6 EKİM 2010 -i ” sero vatené Prof. Baskın ORAN’i zof enteresaniyé...



Vatena de ho de :

“Ulaşması Zor Anlaması Daha da Zor “ vato.



Not: Ez ki gosedaré na Sempozyumi biyu… Di’ré pers u vateni ki mı ardi ra zon. Rozé na sempozyum ser nusnenu…



- JİARÊ DÊSIMU

Se ke mı nusté hoé

“DÊSIMİ FAMKERDENE RÊ DÊSIMİ ZONAENE

MA DÊSIMİ ZONAENE RÊ ÇI LOZIMO“ de nusna, ez sıre ra taé xususu sero bınusnine u bınesrine(yayınlamak)



MA DÊSIMİ ZONAENE RÊ ÇI LOZIMO- 1

Ez ewro İTIQATI DÊSIMU sero nusnenu/ nesrkenu(yayınlamak)



İTIQATÊ DÊSIMU DE JİAR U DİYARİ

Heya! Rasta ke “Dersim şiyaene zora, ama aqıl cı rasnaene taéna ZORA”

Evet! Gerçekten de “Dersim'e Ulaşması zor, ama anlaması daha da ZOR...”



- JİARÊ DÊSIMU -

Yé ma Désımu ki mekané jargeyi esté. Ma cı ré vame JİARİ…

Eke jüye vone, vame jiare.

İtıqaté ma de caé jiaru zof gırano, hirao, corao… Cı ré qırvani bené… Miyaz beno vıla…

Ma de jiari zofiyé:



- Ya gılé de koé o.

- Ya seré de dapé o

- Ya golé o.

- Ya çhımé de héyniyé o.

- Ya çhemé o.

- Ya çaté de ağwuno.

- Ya dara de gırsa.

- Ya pulé de bırriyo. Ya ki bırro de bélüyo.

- Ya kemera de gırsa.

- Ya çhengelé o.

- Ya mezelé da dewresé wa.



QILAWUZ

Jiaruné ma sero, goré itıqaté ma ‘qılawuz’ esto.

O wayiro.

Ê y ne kes kişto, ne ki kişiyo…

Qılawuz wayiro, békesu ré wayiréni keno.

Qılawuz xeleskaro, tenge ra xelesneno ra.

Qılawuz olvozo, téniyau ré olvozéni keno.

Qılawuz dermandaro, derman dano.

Qılawuz wayiro, neçaru ré çhare véneno.

Qılawuz dawadaro, dawa béçaru rameno.

Qılawuz eve bexto, şiya ho de xelesneno ra.

- Beno ke hona taé xususi mı viri néamé…



İTIQATÊ MA FAMKERDENE SARİ RÊ ZORA

Sar itıqaté ma famnékeno…

ÇI KE:

- Jiargeé dinu zulumkariyé, zulum kerdo, kené…

- “ “ xofıniyé… Tersnené…

“ “ wayiré zor u zextiyé…

“ “ wayiré ceza u ezaé…

“ “ hérsıniyé… Çapıka qariné…



O sar cıra xof keno… Cı ra terseno…



İYÊ MA

İyé ma héni niyo.

Désımız qılawuzé jiara ho wayir zoneno.

Maqa qılawuz békesu ré wayiro, wayiréni keno.

Désımız qılawuzé jiara ho, ho ré olvoz véneno. Téy olvozéni keno.

“ “ “ , ho ré ordımkar véneno. Eke tenge de mend ordım keno.



Désımız qılawuzé jiara ho xeleskar véneno. Sopa tenge de xelesneno ra.

Désımız ke tenge ra ranéxeleşiyo, qılawuji ra hérsbeno… Tey nano huré… Hatta zovti dano pıro.

Qılawuzé jiaruné Désımi, dısmenu cı ra düri bené, finé düri…

İyé ke xırave bıkeré mılaketé pesewé… Qılawuji xırave nékené…

Désımız, qılawuzé jiara ho de qesey keno. Derduné ho cı ré qesey keno, cı ra vano…

No itıqato de nianén qomuné dormé Désımi de çino… Qomé dormé ma itıqaté ma ho gore fam kené…



İtıqato de nianén Hititian de biyo…

No itıqato nianén Sumeran de biyo.

Désımu o waxt ki wayiré na itıqati viyé… Ez vajine ke, dormé ma de ki no itıqat biyo.

Saré teveri/muaciru ke ameyi kewti ve na wertu, jiar udiyari ho vira kerdi qomu…



Saré teveri/muaciru ke bi wayiré texti, bi ve wayiré zor u zexti…

Jiaré ma kerdi ve gunekar….



Torné Thuji

22.11.2010

-----------------------------------------------

YÊ JİARUNÊ DÊSIMİ QILAWUZO

De vajiyéne ke rınd u rasté ho İsao
Cıra wayiré sırr u kıramete ki Musao
Musaé de ho Désımi ré Avdel Pasao
Ma qa o ki devleta Romi ré xefiyao

Jiaruné Désımi tım qılawuzé ho biyo
Kami ho esto ve bext cıré wayir véjiyo
Qe coru serva merdene u kiştene niyo
Qılawuz dayma wayiré rınde u weşiyo

Névame ke jiaré ma jü de jü serrao
Ho ke esto bexté Duzgıni, ewlad cırao
Kud sono Sulvışi ser, cor de lıngurao
Ho esto bexté Jéla Zelale, zerre hirao


Torné Thuji

22 Kasım 2010
[b]